تمامی فعالیت ها و مطالب منتشر شده در رسانه فارس ترانه مطابق با قوانین جمهوری اسلامی ایران می باشد.
سبدگردانی ارز های دیجیتال

دانلود آهنگ استاد شهریار خان ننه با متن آهنگ

دانلود آهنگ جدید استاد شهریار خان ننه با کیفیت اصلی 320

Download Music Shahriyar Khan Nana

آهنگ استاد شهریار دوباره

خان ننه هایاندا قالدین بئله باشیوا دولانیم

دا، سنین تایین تاپیلماز سن اولن گون عمه گلدی

منی گوتدی آیری کنده من اوشاق نه آنلایایدیم؟

باشیمی قاتیب اوشاقلار نئجه گون من اوردا قالدیم

قاییدیب باخاندا گوردوم یئریوی ییغیشدیریبلار

نه اوزون و نه یئرین وار خانی خان ننه م سوروشدوم

دئدیلر کی خان ننه نی آپاریبلار کربلایه

کی شفاسین اوردان آلسین

سفری اوزون سفردیر بیر ایکی ایل چکر گلینجه

نئجه آغلارام یانیخلی نئچه گون ائله چیغیردیم

کی سسیم سینم توتولدی او، من اولماسام یانیندا

اوزی هئچ یئره گئدممز بو سفر نولوبدی من سیز

اوزی تک قویوب گئدیبدی رسانه آهنگ

هامیدان آجیخ ائدر کن هامیا آجیخلی باخدیم

سونرا باشلادیم کی من ده گئدیرم اونون دالینجا

دئدیلر سنین کی تئزدیر امامین مزاری اوسته

اوشادغی آپارماق اولماز سن اوخی قرآنی تئز چیخ

سن اونی چیخینجا بلکه گئله خان ننه سفردن

تله سیک، روانلاماقدا اوخویوب قرآنی چیخدیم

کی یازام سنه گل ایندی دخی چیخمیشام قرآنی

منه سوقت آل گلنده آما هر کاغذ یازاندا

آقامین گوزی دولاردی سنده کی گلیب چیخمادین

نئچه ایل بو انتظاردا گونی، هفته نی ساناردیم

تا یاواش یاواش گوز آچدیم آنلادیم کی سن اولوبسن

♪♪♪

بیله بیلمیه هنوزدا اوره گیمده بیر ایتیک وار

گوزوم آختارار همیشه نه یاماندی بو ایتیک لر

خان ننه جانیم نولیدی سنی بیرده من تاپایدیم

او آیاقلار اوسته بیرده دوشه نیب بیر آغلایایدیم

قولی حلقه سالمیش ایپ تک او آیاغی باغلیایدیم

کی داها گئدنمیه ایدین گئجه لر یاتاندا سن ده

منی قوینوا آلاردین نئجه باغریوا باساردین

قولون اوسته گاه سالاردین آجی دنیانی آتارکن

ایکیمیز شیرین یاتاردیق یوخودا «لولئی» آتارکن

سنی من بلشدیرردیم گئجه لی سو قیزدیراردین

اوزیوی تمیز لیه ردین گنه ده منی اوپردین

هئچ منه آجیخلامازدین ساواشان منه کیم اولسون

سن منه هاوار دوراردین منی، سن آنام دوینده

قاپیب آرادان چیخاردین ائله ایستیلیک او ایستک

داها کیمسه ده اولورمی؟ اوره گیم دئیر کی : یوخ یوخ

او درین صفالی ایستک منیم او عزیز لیگیم تک

سنیله گئدیب توکندی

♪♪♪

خان ننه اوزون دئیردین که: سنه بهشتده آللاه

وئره جک نه ایستیورسن بو سوزون یادیندا قالسین

منه قولینی وئریبسن ائله بیر گونوم اولورسا

بیلیسن نه ایسترم من؟ سوزیمه درست قولاق وئر:

«سن ایله اوشاخلیق عهدین»خان ننه آمان نولیدی

بیر اوشاخلیقی تاپایدیم بیرده من سنه چاتایدیم

سنیلن قوجاقلاشایدیم سنیلن بیر آغلاشایدیم

یئنیدن اوشاق اولورکن قوجاغوندا بیر یاتایدیم

ائله بیر بهشت اولورسا داها من اوز آللاهیمدان

باشقا بیر شی ایستمزدیم

دانلود آهنگ استاد شهریار به نام خان ننه

🎵 استاد شهریار - خان ننه 🎵

دانلود بهترین تک آهنگ های جدید سال 1400 و 1401 در ۲۷ دی ۱۴۰۱ 0 دیدگاه
نظرات کاربران

آهنگ قبلی آهنگ بعدی